కరీంనగర్/హుజురాబాద్,వి90 న్యూస్,జూన్ 24: హుజురాబాద్ పట్టణంలోని శ్రీ రేణుక మాతా ఎల్లమ్మ తల్లిని హుజురాబాద్ కాంగ్రెస్ పార్టీ నియోజకవర్గ ఇంచార్జి వొడితల ప్రణవ్ దర్శించుకున్నారు. ఈ సందర్భంగా ఆలయంలో అమ్మవారికి ఆయన ప్రత్యేక పూజలు నిర్వహించారు. అనంతరం ఆయన మాట్లాడుతూ, నియోజకవర్గ ప్రజలందరూ పాడి, పంటలతో, ఆయురారోగ్యాలతో సుఖ సంతోషాలతో ఉండాలని అమ్మవారిని కోరుకున్నట్లు తెలిపారు.
ఆధ్యాత్మిక వాతావరణంలో జరిగిన ఈ కార్యక్రమంలో హుజురాబాద్ మున్సిపల్ చైర్ పర్సన్ గందాడ సుహాసిని, స్థానిక కౌన్సిలర్లు, ఆలయ కమిటీ సభ్యులు, గౌడ సంఘం నాయకులతో పాటు కాంగ్రెస్ పార్టీ ప్రజాప్రతినిధులు, ముఖ్య నాయకులు, కార్యకర్తలు పెద్ద సంఖ్యలో పాల్గొన్నారు.
